Ek kyk deur die blindings na

die Lesbian troue in die vertrek langsaan.

Hulle druk en soen

en lyk gelukkig.

 

Soos Pamela Ewing in Dallas

wil ek wakker word

en besef Bobby is toe nooit dood.

Dit was net ‘n droom.

 

Die ekonoom voor praat oor

die sub-prima krisis

en die blou vissie swem

tussen die borreltjies deur

verby die pers koraal.

 

Ek mis mense uit my verlede.

Ek dink aan ‘n boyfriend

van laerskooldae wat

familiemoord gepleeg het.

 

Ontwikkelde lande onttrek

finansiële steun uit

ontluikende markte -

soos jy in die 1ste kwartaal van 2010

jou onttrek het uit hierdie  

buitensporige tendens

van die liefde.

 

En daar swem die blou vissie weer,

terwyl ‘n ander vis

wat soos Jacob Zuma lyk

in die hoek hang en sexy wees.

 

Ek wil wakker word

uit hierdie surrealistiese nagmerrie

en besef dit was net

April fool’s.