Descartes Revisited - alweer

Ek skryf

dus bestaan jy.

As ek ophou

sal dit wees soos

die Rooi Koning

wat ophou droom.

jy sal verdwyn –

sterf, afsterf, wegsterf,

doodgaan.

 

Die dromer sal wakker word

en dadelik sy droom vergeet.

Soos ‘n rol film in skerp lig

sal jou beeld swart word,

een met die nag,

onbespeurbaar in die dag.

 

Ek skryf en skryf

en skryf en skryf,

net om seker te maak

jy bly bestaan.